Download Myanmar font""
ဤနေရာမှ လင့်များ "ဆက်လက်ခရီးဆက်နိုင်ဘို့"သို့ ပို့ထားပါတယ်။

Sunday, October 24, 2010

Yesan Autumn


"ရယ်ဆန်မြို့ရဲ့ဆောင်းဦးမြင်ကွင်း"

အခုလက်ရှိမြင်ကွင်းလေးပါ။ ရယ်ဆန်ကတော့ စောစောစီးစီးကို ရွက်ဝါတွေခြွေချနေလေပြီ။




Type rest of the post here

အပြည့်အစုံ (Read More)...

Korean Education


"ကိုရီးယားပညာရေး"

အရင်ပိုစ့်လေးရေးလိုက်တော့ တစ်ချို့လည်း အာရှ ပညာရေးကို အမြင်တစ်မျိုး နဲ့နားလည်လွဲမှာ စိုးလို့ ဒီပို့စ်လေးဆက်တင်လိုက်ပါတယ်။ ဘွဲ့ကြိုပညာရေးနဲ့ ဘွဲ့လွန်ပညာရေး သင်ရိုး၊ သဘောသဘာဝချင်းမတူတာကိုတော့ အားလုံး သိပြီးလို့ယူဆလိုက်ပါတယ်။ ဘွဲ့ကြိုကျောင်းသားတွေမှာက ဆရာဦးဆောင် ရှင်းပြ သင်ကြားရေးစနစ်ပါ။ ဘွဲ့လွန်မှာက တပည့်က ရှင်းပြရတဲ့စနစ်ပါ။ ကိုယ်ဘယ်လောက်ဖတ်ထားတယ်။ ဘာတွေကိုသိထားတယ် ဆိုတာတွေကို စာသင်ချိန်မှာ အလှည့်ကျ presentation လေးတွေလုပ်တယ်။ နောက်ဆုံး သင်တန်းဆင်းချိန်မှာ စာသင်တန်းတစ်တန်းစာ လက်ရှိဘာသာရပ်နဲ့ပတ်သက်ပြီး မိမိတာဝန်ကျရာ ခေါင်းစဉ်တစ်ခုအတွက် ရှု့ဒေါင့်စုံကနေ ရေးပြ၊ တင်ပြရတာပါ။ စာမေးပွဲရယ်လို့ အလွတ်ကျက်ချရေးစနစ် က ခေတ်ကုန်နေပြီလေ။ ဒါဖြင့်ဘွဲ့လွန်ကျောင်းသားတွေကို ဘယ်လိုအင်တာပရက်။ အီဗယ်လူရိတ် (Evaluate) လုပ်လဲမေးစရာရှိပါတယ်။ သုတေသန စာတမ်း ဘယ်နှစ်စောင် ထုတ်ဝေထားလဲ။ first author အနေနဲ့က ဘယ်နှစ်စောင်လဲ။ Second Author, Third Author, etc. ဘယ်နှစ်စောင် သူများကို ၀ိုင်းကူလုပ်ဖူးလဲ။ Patent Law ကို ဘာတွေလျှောက်ထားဘူးလဲ။ ရထားဘူးလဲ။ ဆိုတာတွေနဲ့ တိုင်းတာပါတယ်ဗျာ။ တကယ်တော့ ဘွဲ့လွန်ကျောင်းသားတွေမှာ ရားတာတောင်မှတ်ထားရတဲ့အဆင့်ပါ။ ဒီကြားထဲ ပရော်ဖက်ဆာရဲ့ လုပ်ငန်းရပ်တွေကို ခေါင်းစဉ်မဲ့ ကူလုပ်ပေးနေရတာတွေကလည်းမနည်းပါဘူး။ ကိုယ်လုပ်ပြီး ကိုယ့်နာမည် မရတာတော့ ၀မ်းနည်းစရာပါပဲ။ အဲလိုမျိုးလည်းကြုံတတ်ကြတယ်လို့ ကြားဘူးပါတယ်။ ဟဲ---ဟဲ---စောစောစီးစီး အွန်စောလည်းကြုံလိုက်တာပါပဲ။ ပထမဆုံး ပေပါကို တရုတ်ကျောင်းသားနာမည်နဲ့ထွက်ပေးလိုက်ရတာပါ။ သူ့အတွက် ကျောင်းလခလွတ်ငြိမ်းအောင်လို့ပါ။ အွန်စောက စကောလားရပြီးဆိုတော့ မလိုအပ်ဘူးလေ။ အဲဒါကြောင့် ဒုတိယနေရာကနေ ပဲကျေနပ်ပေးလိုက်ရတယ်လေ။ ဆရာက တောင်းတာဆိုတော့ မပေးဘူးပြောလို့မှမရတာ။ ကိုရီးယား တက္ကသိုလ်တွေမှာ မူတစ်ခုရှိပါတယ်တဲ့။ ဘယ်ပြည်ပဘွဲ့လွန်ကျောင်းသားမဆို ပထမ ၆ လမှာပေပါတစ်စောင် ထုတ်ဝေခွင့်ရအောင်တင်နိုင်လျှင် တစ်နှစ်စာ ကျောင်းလခပေးစရာမလိုပါဘူး (one year School fee exemption) တဲ့ (မည်သည့်ဂျာနယ်မဆိုပါ။ ဒါကြောင့်မြန်မြန်ရလွယ်တဲ့ပြည်တွင်းဂျာနယ်တွေပို့တာများပါတယ်)။ ကျောင်းသားတစ်ယောက်မှာ တစ်ကြိမ်သာလျှောက်ထားခွင့်ရှိတာပါတဲ့။
နောက်တစ်ခု ကောင်းတဲ့အချက်ကတော့ ပရောဂျက်တစ်ခုစီအတွက် အဖွဲ့လေးတွေခွဲပေးထားပြီး ပို့စ်ဒေါက်ရှိလျှင် ပို့ဒေါက်တွေကဦးဆောင်ပါတယ်။ အွန်စောတို့ဓါတ်ခွဲခန်းက ပို့ဒေါက်တာ နှစ်ယောက်က ရာထူးတိုးနဲ့ ဌာနေပြောင်းသွားတေ့ာ အွန်စောက အော်တိုမက်တစ် အကြီးဆုံးဖြစ်ကျန်ခဲ့တာပါ။ အွန်စောလို နှစ်တူ ဒေါက်တာကျောင်းသား တရုတ်တစ်ယောက်တော့ရှိပါတယ်။ အသက်အရ အကြီးဆုံးဆိုပြီး နေရာတကာတာဝန်ယူပေးနေရတာပါ။ ခြောက်လတန်းတစ်တန်းငယ်တဲ့ဒေါက်တာကျောင်းသားကတစ်ယောက်။ အခုနှစ်မှရောက်လာတဲ့ (one year Junior) ဒေါက်တာကျောင်းသားကတစ်ယောက်ပါ။ မဟာသိပ္ပံကျောင်းသားတွေကတော့ တရုတ် ၂ ယောက်။ ကိုရီးယား ၂ ယောက်ပါ။ ဘွဲ့ကြိုသုံးယောက်။ စုစုပေါင်းလိုက်လျှင်တော့ ဆယ့်နှစ်ယောက်တောင်ရှိတယ်ဗျ။ ရုံးစာရေးမလေးတစ်ယောက်ရောပေါ့။ ပရောဂျက်က သုံးခုရှိတာဆိုတော့ သုံးအုပ်စုခွဲပြီး ဘွဲ့ကြိုကျောင်းသားနဲ့ မဟာသိပ္ပံတွေက ဒေတာရအောင် သုတေသနတွေမှာ ၀ိုင်းကူလုပ်ပေးပါတယ်။ ပို့ဒေါက်တွေ ဒေါက်တာကျောင်းသားတွေက စာတမ်းအဖြစ် ဆက်လက် ပြုစုရပါတယ်။ ပေပါမှာ နာမည်တွေထဲ့ပေးတယ်ဆိုပေမဲ့ ဒေါက်တာကျောင်းသားတွေအတွက်အတော်လေးကောင်းတယ်ပြောရမလားပဲ။ First Author အနေနဲ့ ရေးရလို့လေ။ သူများဒေတာနဲ့ပေပါရတာလေ။ တစ်ယောက်ထည်းလုပ်နေရလျှင် ဘယ်လိုလုပ် ခြောက်လတစ်စောင်ထွက်နိုင်မလဲနော့။ တစ်နှစ်တစ်စောင်တောင်မနည်းလုပ်ရမှာ။ အခုတော ခြောက်လတစ်စောင် မဖြစ်မနေ တာဝန်ယူထားရတာလေ။ အွန်စောတော်လို့မဟုတ်ပါဘူး။ တာဝန်အရ ဖြစ်ညှစ်အားထုတ်နေရတာပါ။ "မိုးပေါက်များသော် မြစ်၊ချောင်း၊ အင်း၊ အိုင် ပြည်သည် ဟူ၏။" ဆိုသလို မိုးပေါက်လေးတွေ စုနေရတာပါဗျာ။ ---။ ---။

(ခြောက်လနဲ့ပေပါထွက်တယ်ဆိုတာ DNA analysis အတွက်ပဲပြောလိုက်တာပါ။ တကယ်တော့ field data တွေအတွက်က RDA ကနေ စိုက်ပျိုးပြီး ဒေတာကောက်ပေးတာပါ။ သူတို့လုပ်ထားတာတွေနဲ့ပေါင်းလိုက်လျှင် တစ်နှစ်ခွဲ လုပ်ရတယ်လို့ပြောရမှာပါ။ KNU နှင့် RDA က Joint Venture လုပ်ထားလို့ပါ။ မဟုတ်လျှင် ခြောက်လ ပေပါဆိုတာ Phenotype မထဲ့နိုင်ပါဘူး။ Genotype သီးသန့်စာတမ်းဟာ Phenotype မပါလျှင် မပီပြင်ပါဘူး။)

(PS= နေရာတစ်ကာ တာဝန်ယူပေးနေရတာပါ = (၁) ဆရာမရှိလျှင် တနင်္လာနေ့မှာ အစည်းဝေးဆိုပြီး ဓါတ်ခွဲခန်းကလူတွေကို စုပြီး စကားပြောပေးရတာပါ။ ဒီအပတ်ဘယ်သူတွေက ဘာတွေလုပ်ကြမယ်ဆိုတာကို ကြားခံတင်ပြပေးရတာပါ။ (၂) သောကြာနေတိုင်း Lab Workshop ဆိုပြီး အငယ်တွေကို လိုအပ်မယ်ထင်တာ သင်ပြပေးရတာပါ။ (အထူးသဖြင့်အသစ်ဝင်လာသူတွေအတွက်ပေါ့)။ (၃) ဘွဲ့ကြိုကျောင်းသားလေးတွေကို လက်တွေ့(ဓါတ်ခွဲခန်းပညာ)သင်ကြားပေးရတာတွေပါပဲ)။ ဘာမှမဟုတ်ဘူးထင်ရပေမဲ့ အချိန်ကုန်ခေါင်းစားတဲ့အလုပ်တွေပါ)

အပြည့်အစုံ (Read More)...

Thursday, October 21, 2010

KNU Experience as a Post Graduate Student



"ဘွဲ့လွန်ကျောင်းသားတစ်ယောက်၏ ကိုရီးယာအတွေ့အကြုံ"


ဒီကနေ့ ကလေးတွေစာမေးပွဲ မှာ စာမေးပွဲခန်းစောင့်ကျပါတယ်။ ကိုယ်သင်ထားတဲ့ဘာသာဆိုတော့(အမှန်တော့ မြန်မာပြည်မှာဆိုလျှင် ဘာသာရပ်ပိုင်ရှင်က မစောင့်ရပါဘူးနော့ကွယ်) မေးခွန်းက ကိုယ်ထုတ်တာမှမဟုတ်ပဲ အဲဒါကြောင့်အစောင့်ခိုင်းတာ လည်းဖြစ်မှာပါ။ စောစောက တာဝန်ပေးတာလဲမဟုတ်ဘူး။ နာရီပိုင်းအလိုမှအသိပေးတာ။ ကျောင်းသားက ၂၁ ယောက်ထည်းရယ်ပါ။ မေးခွန်းလေးတွေကောက်ကြည့်တော့ တော်တော်လွယ်တာပဲ။ ကျောင်းသားတွေအတွက်လည်း တော်တော်လေး ပေါ့မယ်ထင်ပါတယ်။ စာလေးကြောင်းခန့် အဓိပ္ပါယ်ဖွင့်ဆိုဖို့က အပုဒ် ၂၀။ စာကြောင်း ၂၀ ခန့် စာစီကုံးဖို့က ၂ ပုဒ်။ ဖြေဆိုချိန်က တစ်နာရီ။ တို့များဖြေသလိုပါပဲ အချိန်ပြည့်မထိုင်ကြပါဘူး။ နာရီဝက်ရှိတာနဲ့ ကျောင်းသားတစ်ယောက်နဲ့ ကျောင်းသူလေးယောက် အဖြေလွှာလာအပ်ပါတယ်။ ၄၈ မိနစ်မှာကျောင်းသားအကုန်ထွက်သွားလို့ စာမေးပွဲခန်းပိတ်ထားခဲ့နိုင်တယ်။ ကျောင်းသူ၊ ကျောင်းသား အချိုးအစားက တော်တော်ကွာခြားနေတယ်။ စုစုပေါင်း ၂၁ ယောက်မှာ ကျောင်းသား ၆ ယောက်ပဲပါတယ်။ ကျန်တဲ့ဘာသာရပ်တွေတော့မသိဘူး။ ကျနော်သင်နေရတဲ့ Molecular Biology မှာတော့ဒီအတိုင်းပဲ။
ကျနော်တို့ ဒီကိုရီးယားမှာစာမေးပွဲဖြေတာလေး ဗဟုသုတပြောပြပါမယ်။ အပေါ်ကဟာက ဘွဲ့ကြိုကျောင်းသားများစာမေးပွဲပေါ့နော့။ အခုပြောမှာက ဘွဲလွန်ကျောင်းသားစာမေးပွဲ။ ဘွဲ့လွန်ကျောင်းသားတွေကို စာမေးပွဲရယ်လို့ တော်တော်လေးစစ်ခဲပါတယ်။ စစ်ခဲ့လျှင်လည်း အိုးပင်းဘွတ် (open book) ပါ။ အခုတော့အိုးပင်းဘွတ်ထက်အဆင့်မြင့်နေပါပြီ။ အိုးပင် ပီစီ (Personal Computer) ပါ။ ဘယ်လောက်လွယ်သလဲမမေးနဲ့ ကိုယ့်သင်တဲ့ သင်ရိုးစာအုပ် (text book pdf file) ကိုဖွင့် Search box မှာ မေးခွန်းထဲက ကီးဝပ် ကလေးရိုက်ထဲ့လိုက် တန်းပေါ်လာတာပါပဲ။ ကိုလိုချင်တဲ့အဖြေမဟုတ်သေးလျှင် next ပေါ့။ အဲလိုစာမေးပွဲကတော့ လာခဲ့ပေါ့။ မေးတာကလည်း ကလေးမေးခွန်း ကွက်လပ်ဖြည့်။ ပျင်းဖို့ကောင်းတယ်။
အဲ ပြီးခဲ့တဲ့အပတ်ထဲကတော့ Comprehensive Exam တဲ့ လေးဘာသာ ဖြေရတယ်။ အရင်နှစ်တန်း တက်ပြီးပြီဆိုတော့ ၆ ဘာသာပြီးပြီပေါ့။ အခုအတန်းမှာက ၄ ဘာသာယူထားတာ။ အခုဖြေရတာက အရင်အတန်းကဘာသာရပ်တွေ။ အီးလိုမေးခွန်းထုတ်တဲ့ နှစ်ဘာသာတော့ တစ်ပုဒ်မကျန် ချရေးလိုက်တယ်။ သိတယ်မဟုတ်လား။ အီးလိုဆိုလာခဲ့ ရေးချင်တာချရေးလိုက်တာပဲ။ အရွှီကောင်းတယ်ပြောရမလား။ အကြောင်းအရာသိလို့ကတော့ ရှိတဲ့ အင်္ဂလိပ်စာနဲ့ ချရေးတာပဲ။ ကျန်တဲ့ ကိုရီးယားလိုမေးခွန်းထုတ်တဲ့ နှစ်ဘာသာတော့ ဖြေကိုမဖြေခဲတော့တာ။ ကြောက်တတ်တဲ့သူဆိုလျှင်တော့ အိပ်ပျော်မှာမဟုတ်ဘူး။ အွန်စောပဲ ဘယ်ကြောက်မလဲ ဘာမေးလို့ဘာဖြေရမှန်းမသိလို့ မဖြေတာလို့ မကျေနပ်လျှင် အဲဒီမေးခွန်းကို အီးလိုရေးပြီး မေး ပြန်ဖြေမယ်လို့ ပြောမယ်ကြံထားတာ။ သူများအတင်းပြောတာမဟုတ်ဘူး တရုတ်ကျောင်းသားတွေကတော့ ကွန်ပျူတာပြန်သယ်ပြီး စာမေးပွဲခန်းတွင်းမှာ အင်တာနက်ချိပ်ပြီး ဘာသာပြန် စာရှာပြီး ကူးချနေကြလေရဲ့။ အွန်စောကတော့ စောထွက်လာခဲ့လိုက်တယ်။ ကွန်ပျူတာပြန်သယ်ပြီး အင်တာနက်မှာအဖြေရှာကူးချတာလည်း အဓိပ္ပါယ်ရှိတယ်မထင်လို့ပေါ့။ ဒါနဲ့နောက်တစ်ပတ် (အခုအပတ်မှာ) ရုံးကဖုန်းဆက်လာပါလေရော။ မင်းရေးခဲ့သမျှ ဂျာနယ်ပို့ပြီး (ထုတ်ဝေပြီး၊ စောင့်နေဆဲ) ပေပါတွေ ပေးပါတဲ့။ နောက်ပြီး မင်းလုပ်ခဲ့သမျှ ပိုစတာတွေ အချက်အလက်တွေပေးပါတဲ့ ဖုန်းဆက်ပြီးတောင်းလာတယ်။ ထင်လိုက်တယ်။ အင်း -- ငါ့တော့ စာမေးပွဲကောင်းကောင်းမဖြေလိုက်လို့ ငါလုပ်ထားတာဘာရှိလဲ စစ်ဆေးပြီထင်တယ်လို့။ နောက်တော့ဘယ်ဟုတ်လို့လဲ။ ပရော်ဖက်ဆာ ဖုန်းဆက်လာမှပဲရှင်းသွားတော့တယ်။ မင်းကို ဆုပေးဖို့ထင်တယ်တဲ့။ ဒီတက္ကသိုလ် မှာရှိတဲ့ ပြည်ပကျောင်းသားများရဲ့စံပြဆု ရည်ရွယ်ထားလို့ တောင်းတာပါတဲ့။ အော်--------ဖြစ်မှဖြစ်ရလေ။ စိုးရိမ်နေဆဲ--၀မ်းသာစရာသတင်း ကြားလိုက်ရတယ်။ အခုက ရွေးခြယ်တင်ထားဆဲပါတဲ့ တကယ်ရမရတော့စောင့်ကြည့်ရတော့မှာပေါ့လေ။ တစ်နှစ်ခွဲအတွင်းမှာ ပေပါသုံးဆောင် တင်ထားတာကိုတော့ သူတို့က စံပြလို့ ထုတ်ပြထားတယ်။ နောက်ပြိး ကိုရီယား ဘွဲ့ကြိုကျောင်းသားတွေကို စာသင်ပြပေးနေတာလည်း ဘာအခက်အခဲမှ မရှိ အဆင်ပြေပြေ သင်ပေးနိုင်ပါတယ်ဆိုပြီ ထောက်ခံထားတာတွေ့တယ်။ ကျန်တာတွေတော့အိုကေပါတယ်။ ဒါပေမဲ့ သူတို့ထောက်ခံပေးထားတာထဲက ကိုရီးယားလိုလည်း Fluent ဖြစ်ပါတယ် ဆိုတာကိုတော့ နည်းနည်းကိုယ့်ကိုကိုယ် မလုံချင်ဘူး။ ဒီကဖြင့် ပြောတတ်ဆိုတတ်ရုံလောက်ရတာကို။ ဆုပေးလျှင်တော့ တကယ် တက်ယူအုံးမှာ--ဟီး---ဟီး။
ကဲ ကိုရီးယားစာသင်ယူနေကြတဲ့ ဖရက်ရှာများ ဘာကိုစိုးရိမ်နေကြအုံးမှာလဲ။ သင်တို့လောက်မတော်တဲ့ အွန်စောတောင် စံပြဆုကိုဆွတ်ခူးဖို့ကြံရွယ်နေတာ။ ဘာကိုဘာအတွက်စိုးရိမ်စရာလိုလဲ။ အချိန်တန်တော့ ပြီးမြောက်သွားမှာပဲ။ ကိုယ်လုပ်သင့်တာကို လိုက်လုပ်လိုက်ရုံပါပဲ။ မြန်မာကျောင်းသားတစ်ယောက်အနေနဲ့ဒီကပညာရေးကို စိုးကြောက်စရာ အကြောင်းကိုမရှိပါဘူး။ အဲ---စာမှန်မှန်လေးဖတ်ဖို့တော့လိုမှာပေါ့။ --------။ မေတ္တာ စေတနာဖြင့်။ အွန်စော။

အပြည့်အစုံ (Read More)...

Friday, October 8, 2010

2010 World Oriental Medicine-Bio EXPO in Jecheon, Korea


"ကိုရီးယားဆေးမြစ်စုံပြပွဲ"



အပြည့်အစုံ (Read More)...