Download Myanmar font""
ဤနေရာမှ လင့်များ "ဆက်လက်ခရီးဆက်နိုင်ဘို့"သို့ ပို့ထားပါတယ်။

Saturday, December 5, 2009

World Students in Korea (WSK) Awarding Ceremony and Orientation (2)

နိုဝင်ဘာလ (၂၃) ရက်နေ့က ကိုရီးယားနိုင်ငံဆိုးလ်မြို့တော်မှာ Presidential Council on Nation Branding (PCNB) ကကြီးမှူးကျင်းပတဲ့ World Students in Korea (WSK) ရဲ့ ပထမသုတ် သင်တန်းဆင်းပွဲဆုပေးပွဲနှင့် ဒုတိယသုတ် အတွက်တွေ့ဆုံမိတ်ဆက်ပွဲလေး ကို သွားရောက် တက်ရောက်ခဲ့ပါတယ်။ ဟိုအရင်စက ဒီဘလော့လေး ဖြစ်လာရခြင်းအကြာင်းလေးကို ရှင်ပြဘူးပါတယ်။ ၂၆.၆.၂၀၀၉ ရက်နေ့က စတင် ဖွင့်လစ်ဖွဲ့စည်းခဲ့တဲ့ ပထမအသုတ် သင်တန်းကို လိုက်စပ်စုလိုက်တာ အခု ၂၃.၁၁.၂၀၀၉ နေ့မှာ သင်တန်းဆင်းပွဲ တက်ရောက်သည်ထိပါပဲ။ အင်အားကတော့ တဖြည်းဖြည်းတိုးမလာတဲ့အပြင် လျှော့လျှော့သွားပါတယ်။ ကိုရီးယားရောက် နိုင်ငံခြားသားကျောင်းသားတွေအတွက် တမင်သက်သက် လုပ်ပေးတဲ့ လှုတ်ရှားမှုလေးပါ။ ၂၆.၆.၂၀၀၉ အစည်းဝေးတက်စဉ်က ကျောင်းသား အင်းအားစုစုပေါင်း (၈၁) ဦးတက်ရောက်တယ်လို့သိရပါတယ်။ မှတ်တမ်းတွေ ဒီဘလော့လေးထဲမှာ အစုံအလင်ရှိပါတယ်။ အဲဒီအထဲက လူ (၆၀) ကို ရွေးခြယ် ပြီး တစ်ညအိပ် နှစ်ရက်ခရီး၊ ဆိုးမြို့ ယဉ်ကျေးမှုလေ့လာရေးတွေ လိုက်လည်ပို့ဆောင်ပေးခဲ့လို့ ဒီကိုရီးယားနိုင်ငံရဲ့ သတင်းတစ်ချို့ မျက်မြင်ကိုယ်တွေ့ လေ့လာခွင့်တွေရရှိခဲ့ပါတယ်။ ရွေးခြယ်ကထည်းက ဘလော့ ရှိသူတွေကိုပဲရွေးခြယ်တာပါ။ သူ့ရည်ရွယ်ချက်ကိုက ကိုရီးယားနိုင်ငံအကြောင်းကမ္ဘာကိုပြချင်တာဆိုတော့ သူ့နိုင်ငံအကြောင်းရေးလျှင်ပြီးတာပဲ ဘယ်ဘာသာနဲ့ရေးရေးလက်ခံပါတယ်။ တစ်ပတ်ကို အနည်းဆုံး ပို့ တစ်ခု တင်စေခြင်တယ်၊ နှစ်ခုတင်စေခြင်တယ်နဲ့ပြောတော့ပြောပါတယ်။ ဒါပေမဲ့ ကျောင်းသာျးေတွက စိတ်ထဲတော့ ထားဟန်မတူပါဘူး။ သတိရတဲ့အခါ မိမိ သွားလာတဲ့ ထူးခြားတာလေးတွေ ရတဲ့အခါလောက်ပဲ ရေးကြတယ်ထင်ပါတယ်။ အွန်စောအပါအ၀င်ပေါ့။ အွန်စောလည်း သူတို့ပြောတဲ့ ဘလောပြိုင်ပွဲဆိုတာကို သိပ်တော့အာယုံထဲမှာထဲ့မထားပါဘူး။ ဒီလိုနဲ့ လိုက်စပ်စုရင်း သတိရလျှင် ပို့စ်လေးတင်လိုက်နဲ့ သင်တန်းလေး တက်လာလိုက်တာ အခု သင်တန်းဆင်းပွဲမှာ အွန်စောကို တတိယဆုတဲ့ ဆုချလိုက်တယ်။ အွန်စောတော်လို့မဟုတ်ပါဘူး။ ပေးလို့ရတာပါ။ တကယ်တော့အွန်စော ဘာမှ မယ်မယ်ရရမတတ်သေးပါဘူး။ ကျောင်းသား (၆၀) ထဲက ဆယ်ယောက်ကို ရွေးခြယ်ပြီးဆုပေးတာပါ။ ဖိလစ်ပိုင်မလေး ကော်ရီနာဘီရန်ကာ (Corinna Bianca)က ပထမဆု (ထူးချွန်ဆု) ရသွားပါတယ်။ ဒုတိယဆု ကိုတော့ သုံးယောက် ရွေးခြယ်ပါတယ်။ တတိယဆု သတ်မှတ်တဲ့ ခြောက်ရောက်ထဲမှာ အွန်စောပါသွားတာပါ။ သိပ်တော့ ကြွားရတာအားမရှိလှဘူး။ ဟဲ---ဟဲ--ပထမဆုမှမဟုတ်ပဲနော့။ ဆိုးလ်မြို့တော်ကို တစ်ယောက်ထည်း ခရီးထွက်တဲ့ ဒုတိယခရီးစဉ်ပါ။ ဆုသွားယူတယ်လို့ ကြွားရမလား သင်တန်းဆင်းပွဲသွားတယ်လို့ ပဲပြောရမလား။ နှစ်ခုလုံးမမှားပါဘူးနော့။ အဲဒီကိုသွားရင်းနဲ့ သူငယ်ချင်းတွေရှိတဲ့ အီဝါ အမျိုးသမီးများတက္ကသိုလ် (Ewha Women University) နှင့် ကိုရီးယားနိုင်ငံရဲ့ ဘာသာစကား(Language) စာပေမှာ နာမည်ကြီးတဲ့ ယွန်းဆယ် (Yongsae University) တွေကို သွားရောက် လည်ပတ်ခွင့်ရခဲ့ပါတယ်။ အမှတ်တရ ဓါတ်ပုံလေးတွေလည်း ရိုက်ခဲ့ပါတယ်။ အောက်မှာ အမှတ်တမ်းပုံအချို့တင်ပေးလိုက်ပါတယ်။ အားပေးသွားပါအုံးနော်။ အားလုံးပျော်ရွှင် အောင်မြင်ကြပါစေ--။---။---။












0 comments:

Post a Comment