Teachers' Day

အာစရိယပူဇော်ပွဲ

ဒီကနေ့ ကိုရီးယားနိုင်ငံရဲ့ ဆရာများနေ့တဲ့။ ဒါပေမဲ့ ဆရာတွေကိုကန်တော့တာတော့ ကြာသပတေးနေ့ (၁၃.၅.၂၀၁၀) နေ့ကလုပ်ကြတာ။ တစ်ကျောင်းလုံး တစ်စုတစ်စည်းထည်းစုလုပ်တာတော့ဟုတ်ဘူးဗျ။ သူ့ဌာနနဲ့သူ အသီးသီးလုပ်ကြတာ။ သူ့ဆရာနဲ့သူ့တပည့်နဲ့ သီးခြားစီလုပ်ကြတာ။ အွန်စောတို့က ဘွဲလွန်ကျောင်းသားတွေဆိုတော့ ပါမောက္ခ ငါးရောက်နဲ့ နေ့လည်စာ အပြင်ထွက်စားရင်း ဆိုင်မှာပဲ အာစရိယပူဇော်ပွဲလေး လုပ်ခဲ့ကြတယ်။ နံက်ပိုင်းမှာတော့ ဘွဲ့ကြိုတွေ လုပ်တာကို သွားစပ်စုခဲ့လိုက်သေးတယ်။ ဆရာမိန်ခွန်းပြောနေတာ နားမလည်တာနဲ့ ပြီးအောင်မစပ်စုခဲ့ဘူး။ မြန်မာပြည်မှာလို ဦးတိုက်ကန်တော့တာပါလားတောင် စောင့်မကြည့်ခဲ့လိုက်ရဘူး။ အွန်စောတို့ ကတော့ လက်ဆောင်ပစ္စည်းတွေ ပေးပြီး ဆရာက ခတ်တိုတို မိန့်ခွန်းလေးပြောပါတယ်။ ကျောင်းသားများကိုယ်စား အွန်စောကို ပြောဘို့ပါမောက္ခတွေကတောင်းဆိုပါတယ်။ အွန်စောလည်းထင်မထားဘူးလေ။ ရုတ်တရက်ဆိုတော့ ဘာပြောရမှန်းကိုမသိအောင်ပါပဲ။ ကိုရီးယားလိုပြောခိုင်းတာဆိုတော့ ပိုခက်သွားတာပေါ့။ ဒါနဲ့ အနားက ကိုရီးယားကျောင်းသားတစ်ယောက်ကိုအကြံတောင်းရတယ်။ ဘာပြောလျှင်ကောင်းမလဲပေါ့။ ဘာမှပြောမနေနဲ့ ဌာနနာမည်သာအော်လိုက်၊ ကျယ်ကျယ်သာအော်ဆိုတာနဲ့ "식물자원학과를" လို့ပဲ အော်ပေးလိုက်တယ်။ တစ်ဖွဲ့လုံးပဲ အသံကျယ်ကျယ်နဲ့ "위하여" ဆိုပြီး အားမာန်အပြည့်နဲ့အော်လိုက်ကြတာ တစ်ဆောင်လုံးဟိန်းရောပဲ။ အဓိပ္ပါယ်ကတော့ "စိုက်ပျိုးရေးဌာနအတွက်" လို့ ဆိုလိုတာပါ။ သိတဲ့အတိုင်းပါပဲ ကိုရီးယားတွေအခန်းအနားလုပ်လျှင် အရက်ခွက်ကလေးတွေကိုစီ ကိုင်မြှောက်လို့ပဲပေါ့။ နောက်တော့ ခွက်ချင်းတိုက် ပြီး သောက်ကြစားကြတာပါပဲ။ ဆရာတွေစုမိတိုင်း အွန်စောကို ပွဲတောင်းကြတယ်။ နိုင်ငံခြားသားကျောင်းသားထဲမှာ ကိုရီးယားလို ပြောနိုင်လို့ဆိုပြီး။ ဒီမှာဖြင့် မလည့်တလည်နဲ့ ချာချာလည်နေတာ သူတို့မသိဘူး။ ဟီး။ နောက်တစ်ခါပွဲရှိလျှင်တော့ သေသေချာချာကို စဉ်းစားထားပြီး ကောင်းကောင်းပြောပေးလိုက်အုံးမယ်။ အွန်စောက တကယ့်ကို အွန်စောပါလား။ ကိုရီးယား ပါလားလို့ သိသွားအောင် ဟဲ----ဟဲ---။ မှတ်တမ်းဓါတ်ပုံလေးတွေတင်ထားပေးတာ အားပေးသွားအုံးနော်။ တစ်ဆက်ထည်း ရေးလိုက်ချင်သေးတယ်။ နေ့လည်ပိုင်းမှာ အဲဒီပွဲလေးပြီးတော့ ညနေ ၂ နာရီခွဲမှာ ကွင်းထဲ ဆင်းကြဘို့ ချိန်းဆိုလိုက်တယ်။ စိုက်ကွင်းဆိုလို့ အကျယ်ကြီးမထင်လိုက်ပါနဲ့ ငါးဧက လောက်ရှိတဲ့မြေပြင်မှာ ၄ ဧကလောက်က ဟော်တီဌာနက နက်ဟောက် (net house)။ ပလပ်စတစ်ဟောက် (plastic house) တွေဆောက်ထားတာ။ အွန်စောတို့ Plant Resource Department က တစ်ဧကလောက်ပဲပိုင်တာ။ ကျဉ်းရတဲ့အထဲ ဟောက်စ် ကလည်း အခုမှ အသစ်ဆောက်မယ်လို့ ဟန်ပြင်နေတုန်းရှိသေးတယ်။ လောလောဆယ်တော့ အွန်စော သူ့တေသနလုပ်နေတဲ့ သစ်ခွပင် (Cymbidium)တွေရယ် (အပင် တစ်ရာကျော်ပဲရှိတာ)၊ နောက်ဆေးဘက်ဝင်အပင် (약용 식물)တွေဖြစ်တဲ့ မယ်မွန်ဒုံ (맥문동)ရယ်။ မယ်ရှီး (매실)ရယ်။ နောက် မြေသြဇာဖြစ်စေတဲ့ alfafa လိုအပင်မျိုး hairy vetch (해어리백치) ပဲရှိတာ။ မယ်ရှီးဆိုတာ နှစ်ရှည်ခံပင်ပါ။ အခုမှ ၅ နှစ်သားပဲရှိသေးတာ ၇-၈ နှစ်သားလောက်မှ စသီးမှာတဲ့။ အခုအခင်းထဲဝင်ပြီး ပေါင်းရှင်းနေတာ အပင်တွေက လူတစ်ရပ်ကျော်နေတော့ လူကိုသိပ်တောင်မမြင်ရဘူးဖြစ်နေတယ်။ အွန်စောကတော့ သိတဲ့အတိုင်း ပေါင်းရှင်းတာကနည်းနည်း သူတို့ရှင်းနေတာကို အပြင်လမ်းဘက်ကနေ ထွက်ပြီး ဓါတ်ပုံမှတ်တမ်းရိုက်နေလိုက်တယ်။ ဟား---ဟား---။ ကွင်းဆင်းရတာတော်တော်ပျော်ဘို့ကောင်းတယ်။ အရင်အတန်းတုံးက ဆို တစ်တန်း (semester) တစ်ခုသာပြီးသွားတယ် အခင်းထဲမရောက်လိုက်ဘူး။ အခုအတန်းတော့ နွေရာသီရောက်လာတာနဲ့ ကွင်းနည်းနည်းထွက်ရတယ်။ ဒါလဲ အပျင်းပြေသဘောလောက်ပါ။ ကဲပြောနေကြာတယ်။ အောက်မှာဆက်ပြီး တင်ပေးလိုက်မယ်နော်။ ဟိုးအောက်ဆုံးကပုံကတော့ အွန်စောတို့ ဌာနကို UPLP က ပါမောက္ခရဲ့သူငယ်ချင်းတွေလာလည်တုန်းက ရိုက်ထားလိုက်တာ။ တစ်ယောက်က အိန္ဒိယက။ တစ်ယောက်က သီရိလင်္ကာနိုင်ငံကတဲ့။ အလည်ထဲကအမျိုးသမီးနှစ်ယောက်။ ကျန်တာတွေကတော့ အွန်စောတို့ ဓါတ်ခွဲခန်းကအဖွဲ့ချည်းပဲ။






ဒါကတော့ အခင်းထဲမှာ တစ်ပျော်တစ်ပါးပေါ့။


ဒါကတော့ UPLP မှာ ပါမောက္ခ အလုပ်သွားလုပ်ခဲ့စဉ်က အတူလုပ်ခဲ့ဘူးတဲ့ ဘော်ဒါတွေလာလည်လို့ရိုက်ထားတဲ့ပုံပါ။ ပါမောက္ခဘော်ဒါဆိုလို့ အမျိုးသားမထင်လိုက်နဲ့ ဟီး။ ကုလားမတစ်ယောက် နဲ့ သီရိလင်္ကာ မ တစ်ယောက်ရယ်။